सिंगापुरलाई नेपालले दियो २ सय ८३ रनको विशाल लक्ष्य

२९ चैत, काठमाडौं । आईसीसी यू-१९ विश्वकप क्रिकेटअन्तरर्गत एसिया क्षेत्र छनोट प्रतियोगितामा सिंगापुरविरुद्ध पहिले ब्याटिङ गर्दै नेपालले २ सय ८२ रनको विशाल स्कोर खडा गरेको छ । नेपालका लागि कप्तान रोहित पौडेलले सर्वाधिक ९५ रनको योगदान दिए ।

नेपालले आफ्नो पूरा ओभर ब्याटिङ गर्न भने सकेन । ३ सय रन कटाउन सक्ने अवस्थामा नेपाल ४६ ओभरमा अलआउट भएको थियो । ४६ औं ओभरमा नेपालले तीन विकेट गुमाएको थियो ।

कप्तान रोहितकुमार पौडेल सतक बनाउन चुके पनि नेपाललाई बलियो स्कोरमा पुर्‍याएका थिए । एक सय ५ बलको सामना गरेका उनले सात चौका र एक छक्का प्रहार गरे उनी पाँच रनले शतक बनाउन चुके ।

यो पनि पढ्नुहोससिंगापुरविरुद्ध सतक बनाउन कप्तान पौडेल चुके

पौडेललाई पवन सर्राफ, भिम सार्की, रासिद खान र कमल सिंह ऐरीले गतिलो साथ दिए । रासिद खानले ४७ बलमा ४८ रन बनाउँदा रन आउट भए । नवौं नम्बरमा आएका ऐरीले १८ बलमै ३१ रनको विष्फोटक पारी खेलेका थिए ।

सिंगापुरका लागि अथर्व गुनेले सर्वाधिक चार विकेट लिएका छन् । यसैगरी राउल शर्माले २, विनित मेहताले २ र प्रमेश सांघवीले एक विकेट लिए । नेपालले एक विकेट रन आउटका रुपमा गुमाएको थियो ।

Source: Onlinekhabar.com

Leave a Reply

Your email address will not be published. Required fields are marked *